غريبة الكاوكاو معلكة بالصور

موضوع: غريبة الكاوكاو معلكة بالصور 23/8/2011, 08:19

1/4 كاوكاو مطحون اخضر

1/4 كوك صحيح

1/4 سكر كلاصي

2 خمارات

2 معالق كبيرة كاكاو

3
او 4 البيضات ( البيض اللي بجمع لينا الخليط)

كنديرو فواحد الزلافة الكاوكاو مطحون

ثم كنضيفو السكر كلاصي

ثم الكوك

و ماكانساوش شوية الملح

ثم الخميرة الكيماوية

و الكاكاو المر مااااشي كاوبيل او سكلاط ديال الحليب

و فالاخير كنجمعوها بالبيض الازم يعني 3 الى كانو كبار و 4 الى كانو صغار
المهم عيني ميزاني فاش نشوف الخليط متماسك نحبس

دابا ندوزو للسر ديالها
هادا السكر كلاصي سبيسيال راه موجود كيتباع ولكن الى ما لقيناهش كناخدو السكر كلاصي العادي و نعاودو نطحنوه مرة اخرى فالطحانة و نغربلوه 3 او 4 المرات يعني ما تعكزيش عليه راه ضروري خاصو يكون رطب و ما فيه حتى كويرة

كنكور ااكويرة ديالنا عادي و نديروها شوية كبيرة و ندوزوها فالسكر كلاصي كاملة ماشي غير ال وجه اللي وجدنا و نحطها ف الطاوة اللي دخل للفران اللي سخناه

الطاوة ندخلها لفران من التحت و نخليها حتى طررطق الغريبة عاد نطلعها الفوق و مانغبرش عليها نبقى نطل مرة مرة
يعني ما نفوتش ليها 5 حتى 8 الدقايق الفوق
و هاهي الغريبة اللي كانت مخرجاها مني خرجتها منها

اوا بصحتكم

» غريبة بالبيستاش..حلوة عصرية..بالصور..خطوة بخطوة
» مقادير حلوى قرن غزال..بالصور
» غريبة السميدة
» حلويات العيد بالصور والخطوات
» حلويات العيد سهلة التحضير بالصور